May yara gid sa atun nga kun magkadto sa tindahan nga kun magpili daw mabwasan bangud tuman ka dugay, kag ang tindera pa ang daw mahuya nga magmuno.
Kaangay lamang sang babayi nasirad-an na sa store bangud nalingaw ka pili sang ukay-ukay.
Madasig nga naglapta sa social media ang video sang isa ka babayi nga nasirad-an sa sulod sang ukayan samtang nagatakos sang iya mga balaklon.
Suno sa babayi samtang yara ini sa sulod sang fitting room, hinali lang nga napatay ang suga apang wala niya ini ginsapak bangud dumdom sini nag-brownout lang.
Apang ang wala sini nahibaluan, nga patunda na ato nga manirado na ang ukayan.
Pila ka beses ini nga nagpanuktok agud nga ipahibalo nga may tawo pa sa sulod sang tindahan.
Pagkaligad sang pila ka oras, nag-update si Mich nga nakagwa na gid man ini.
Isa ka staff sa kaiping nga tindahan ang nakakita sa iya kag ini ang nagtawag sa gwardya agud nga mabuksan siya.
