Isa ka pinasahi nga medical case ang nagkibot sa mga doktor sa Western France matapos makaangkon sang lain nga accent ang isa ka babayi nga residente sa lugar bisan pa nga indi man ini makahibalo maghambal sa Ingles.
Ini amo si Laetitia, 47, cashier sa mon-vah-syur-lwar.
Siya ang hinali lamang nga nakahambal nga kaangay sang isa ka British humalin sang gin-operahan sang 2010 agud nga kakason ang tonsils sini.
Apisar nga wala man ini sang madalom nga ihibalo sa lengwahe nga Ingles kaangay nga natural sa iya nga dila ang British accent kag siya mismo ang nakibot.
Matapos ang serye sang pag-check sa iya, na-diagnose si Laetitia nga may Foreign Accent Syndrome, isa ka rare condition nga mahimo nga idulot sang aksidente, stroke, ukon operasyon.
Sa dalayon nabaton naman ini ni Laetitia.
