Backhoe nga ginapanag-iyahan sang bise-alkalde sang Sipalay City, nasunog

Ginahibalo pa ang ginhalinan sang kalayo sa nasunog nga backhoe nga ginapanag-iyahan sang bise-alkalde sang Sipalay City sang Hunyo 19.

Suno kay Police Major James Latayon, hepe sang Sipalay City Police Station, nasunog ang backhoe nga ginapanag-iyahan ni Vice Mayor Oscar Montilla nga nahamtang sa Sitio Lagundi, Barangay Camindangan, Sipalay City.

Sang ila ini gin-imbestigahan kahapon sang aga, ila ginalantaw nga posible electrical wiring ang gintunaan sang kalayo.

Suno sa nagabantay sa backhoe, wala man ini sang may nakita nga nagpalapit sa equipment kag may nagabantay man nga mga personnel sang Philippine Army sa area.

Sa karun ginahibalo pa kun hungod nga ginsunog ang nasambit nga equipment ukon indi.