![](https://img.bomboradyo.com/bacolod/2019/12/DEBBIE-MAHINAY-LANDSCAPE-2.png)
Kabahin na sang kabuhi sang isa ka Bacoleño nga nakakuha sang silver medal sa 30th Southeast Asian Games ang pagsaot.
Sa interview sang Bombo Radyo Bacolod kay Debbie Mahinay sang Purok Mahimayaon, Zone 2, Brgy. Bata, Bacolod City nga nakakuha sang silver medal sa Breaking B-Girls Category sa competition nga ginpatigayon sa Royce Hotel sa Clark, Pampanga, ginpahayag sini nga passion na niya ang pagsaot.
Apisar silver medalist lamang ini, daw kaangay na nga nagdaog siya sang bulawan nga medalya bangud ‘tight fight’ ang natabo sa ila sang tiglawas sang Indonesia kun sa diin nag-tie breaker pa sila.
Suno kay Mahinay, pioneer sila nga mga Pinoy athletes sa breaking bangud subong pa lamang ini na aprubahan nga ipasulod sa Olympics gani ginhingagaw ini dala sa SEA Games.
Sa karon, plano sini nga magpreparar para sa iya masunod nga kompetisyon sa Baguio City kag sa Singapore sa masunod nga tuig.
Maga-compete man ini sa national team agud makasulod sa 2024 Olympics.