BACOLOD CITY-Ginpanindugan sang Bacolod City Engineer’s Office nga indi overpriced ang Halandumon Tower sa corner sang Gonzaga-Gatuslao Streets.
Ini ang kasunod sang kritisismo partikular na sa social media nga tuman ka mahal ang proyekto nga gin-inagurahan kadungan sang una nga June 18 Charter Day celebration sang Bacolod.
Sa interview sang Bombo Radyo Bacolod kay Engr. Leuben Rafael Ceballos, Engineer III sang City Engineer’s Office kag nagaserbe man nga project in-charge ginpakita sini ang kabug-usan nga balor sang proyekto.
Ang Halandumon Tower ang nagabalor sang kabug-usan nga P4,856,968.48.
Ang trabaho sa tower ang ginalakipan sang Civil Works nga nagabalor sang P3,712,367.73.
Ang Civil Works ang ginabug-usan sang Lay-out (P29,645.06), Excavation, Backfiling and Tampering Works (P150,528.60), Demolition and Cleaning Works (P358,400.22), Provision for Safety nets, barricades and temporary fence (P182,784.00), Concrete Works (P1,702,543.93), Carpentry Works (P199,825.92), Restoration Works (Concrete pavement) P241,920.00.
Nagabug-os man sa tower ang Electrical Works nga nagabalor sang P989,990.40 samtang P154,610.35 naman ang Painting Works.
Gindepensahan man ni Ceballos ang kapin P1-M nga balor sang Electrical Works kun sa diin nalakip ang lightings.
Suno diri, may yara sang 23 ka programa ang LED lights kun sa diin pwedi ini islan santo sa season kag festivities.
Nagalapad sang 4.6 meters ang kadalumon samtang 6 meters naman ang kalaparon sang pundasyon nga gingamitan sang 32 mm nga mga kabilya.
Dugang pa ni Ceballos, nadala na sa costing sang proyekto ang mga indirect taxes kalakip ang Valued Added Tax (VAT) nga nagabalik naman sa gobyerno.
