Nagapatigayon sang mapping ang Bacolod City Health Office sa mga kabataan nga wala pa nakatapos sa vaccination.
Sa interview sang Bombo Radyo Bacolod kay Dr. Grace Tan, head sa Environmental Sanitation Division, sa karun wala pa sang kumpirmado nga kaso sang Pertussis ukon Whooping Cough sa ciudad sang Bacolod apang may ara sang suspected case nga ginpaidalum pa sa confirmatory test kag padayun nga ginahulat ang resulta.
Ini bangod ang balatian ang tuman ka makalalaton kun sa diin santo sa mga records kalabanan sa mga nagakatapikan ang bag-ong bun-ag tubtob sa duha ka bulan nga lapsag.
Bangod sini ang CHO ang nagalibot agud imonitor ang mga kabataan nga below 5 years old nga wala pa nakapabakuna ukon may incomplete vaccination status.
Aminado ini nga pila ka mga ginikanan ang wala na nagapadayun sa pagpabakuna sa ila mga kabataan bangod sa alegasyon nga ang mga ini ang nagalain ang pamatyag matapos ang vaccination.
Apang paathag ni Tan nga ini ang normal lamang bangod ginapasudlan sang virus ang lawas ang maka-adoptar kag makabato sa mga balatian.
Kalakip sa bakuna nga dapat mabatun sang kabataan ang Penta Hib, nga makabulig batok sa posibilidad sang paglaton sang diphtheria, pertussis kag tetanous nga ginahatag sa mga 5 to 7 weeks old nga lapsag.
Sa pihak nga bahin, hinali nga maggwa ang resulta sang test kag makumpirmar ang kaso sang pertussis, igacontact nila ang pasyente ukon pamilya sini kag magapatigayon sang backtracking.
Samtang ang mga nakapalapit sang isa ka metro sa kumpirmado nga kaso sa sulod sang 48 oras ang panugyanan naman nga magpatigayon sang isolation.
Apang ginapaathag nga wala naman sang patigayunon nga lockdown.
Samtang ginapanugyan man nga likawan ang self medication.
