Ginahulat nalang nga mapirmahan ni Mayor Greg Gasataya ang notice of award para sa bag-o nga garbage collector kag hauler ang Bacolod City matapos nga gindisqualify sang Bids and Awards Committee sang ciudad ang IPM Construction & Development Corporation.
Ini matapos nga wala ang mga ini maka-comply sa post qualification sa ginpatigayon nga bidding process para sa garbage collector and hauler sang ciudad.
Nahibaluan nga lowest bidder ang IPM-CDC kag ang International Solid Waste Integrated Management Specialist (I-SWIMS) incorporated ang ikaduha nga lowest bidder.
Sa karun ang I-SWIMS na ang bag-o nga garbage collector/hauler sang ciudad.
Ang I-SWIMS amo ang biggest contrator sang garbage collection kag ini nagaserbe sa 17 ka ciudad sa Metro Manila.
Sa kontrata nabutang nga ang garbauge hauler ang may yara sang 60 ka garbage trucks nga gamiton kag 50 diri ang compactor.
Ang budget ang yara sa P440 million, bangud P330 million ang sa garbage collection kag hauling samtang P110 million naman para sa maintenance.
Sa interview kay Councilor Celia Flor, dapat nga mangin malimpyo na ang ciudad sang Bacolod sa pag-umpisa sang ila nga kontrata.
Nagalaom ang konsehal sa mas maayo nga serbisyo para sa ciudad ilabi na sa mga panimalay, merkado, kag mangin malimpyo na ang ciudad gikan sa uncollected nga basura.
Samtang, si Councilor Dindo Ramos ang isa man sa nagpabor sa gin-aprubahan nga kontrata bangud ini ang para sa improvement sang ciudad.
Suno kay Ramos, gina-require sa karun ang brand new trucks agud wala na sang ma-aberiya bangud mas nagdamo ang basura kadungan sa pagdamo sang mga tawo.
