Nakadeploy ang mga katapo sang Bacolod City Mobile Force Company sa pila ka strategic areas subong nga Semana Santa.
Sa interview sang Bombo Radyo Bacolod kay Police Captain Lelanie Lagoting, deputy force commander sang Bacolod City Mobile Force Company, ang mobile forces ang nakaheightened alert kag hugot ang pagbantay sa mga area of responsibility.
Sila ang nagaplastar sang border control, para sa mas mahapos nga drag net operations inkaso may mga insidente nga magluntad sa mga Police Stations agud indi makagwa ang mga suspect.
Paathag ni Lagoting nga ang BMFC ang nagaserbe nga external security forces sang Bacolod City Police Office.
Luwas sa pagbantay sa seguridad sang mga yara sa sentro sang ciudad, ang mobile forces ang nagahatag man sang seguridad sa mga malayo nga komunidad sa Bacolod City.
Sila ang naga-alalay man sa pila ka mga insidente nga ginaresponderan sang mga Police Stations.
Humalin sang nag-umpisa ang Lenten season, wala pa sang untoward incident nga narecord ang BMFC.
Nagbilin man ini sang pahanumdom sa mga byahero nga maghalong sa dalanon.
Paandam man sini nga isecure ang balay antes biyaan agud malikawan nga mabiktima sang mga tawo nga nagatake-advatage sa mga aktibidad sa Holy Week para makapamintaha.
Bukas man ang hotlines sa BMFC nga makita sa ila social media pages kun may-ara sang mga complaints.
Ginalauman sang mga ini ang matawhay kag malinong nga pag-obserbar sang Semana Santa.
