Kadungan sang pagrekober sang P6.8 million nga balor sang suspected shabu sa banwa sang Murcia, Negros Occidental nagpatigayon man sang imbestigasyon ang Bacolod City Police Office.
Sa interview sang Bombo Radyo Bacolod kay Police Col. Joeresty Coronica, Bacolod City Police Office Director, ginpakamaayo man sini ang pagintercept sang isa ka kilo nga shabu bangud wala na naglapta sa karsada.
Suno kay Coronica, nagimbestigar man sila sa palibot sang ciudad kag may yara na sila sang ideya kun sin o kag sa diin ginadagdag ang illegal nga druga.
Ginpahayag naman ang City Director nga masaligan ang intelligence information nga nagasulod sa ila gani positibo ang drug buybust operation nga ila napatigayon.
Ginalauman man sini nga madamo na sang illegal nga druga ang mahimo magsulod sa ciudad antes pa man ang Masskara Festival.
Indi man matuod nga sa ciudad sang Bacolod nagikan ang supply sang illegal nga druga bangud wala ,man sang shabu laboratory sa ciudad.
Suno pa kay Coronica nga ang natabo sa Murcia nga narekober ang isa ka kilo sang shabu ang ehemplo lamang nga ang illegal nga druga ang nagikan sa iban nga lugar.
Santo impormasyon nga nakuha nga nagikan sa San Carlos si Arroyo kag may ginadagdagan nga personalidad sa ciudad.
Ginpahayag man sini nga agud masiguro nga malinong kag matawhay ang patigayunon nga Masskara Festival ang dapat planuhan sang maayo.
Ini bangud 90 percent sa pagpasiguro sang kalinong kag katawhay sa pagpatigayon sang festival amo maayo nga plano samtang 5 percent lamang ang pagpatuman sini.
