Naghuyang na sa Low Pressure Area ang anay Bagyo BASYANG alas-2:00 kaina sang kaagahon.
Bangod sini, nabatak naman ang tanan nga gindagdag nga Tropical Cyclone Wind Signals.
Ang LPA ang sa karun yara sa vicinity sang Sulu Sea.
Ini ang ulihi nga nasiplatan 105 km Southeast sang Cuyo, Palawan.
Samtang Northeast Monsoon ukon Hangin Amihan naman ang nagaapekto sa Northern kag Central Luzon.
Apisar nga naghuyang na sa LPA ang anay Bagyo BASYANG, lauman nga ini ang magadala gihapon sang lapnagon nga pag-ulan sa Western Visayas, Negros Island Region, kag MIMAROPA.
Samtang maulanon man ang panahon sa Metro Manila, CALABARZON, Bicol Region, Aurora, Northern Samar, kag Eastern Samar nga epekto naman sang Shear Line ukon ang linya kun sa diin nagasugat-anay ang hangin gikan sa Northern kag Southern Hemisphere.
May mga pag-ulan man nga malauman sa Batanes, Cagayan, Isabela, kag Apayao, nga epekto naman sang Amihan.
Mangin makanay naman ang panahon sa nabilin nga bahin sang Luzon apisar nga apektado sang Amihan.
Samtang makanay man ang panahon sa nabilin pa ga bahin sang pungsod, luwas sa mga tumalagsahon kag makadali nga mga pag-ulan dala sang Localized Thunderstorms.
