Napasa na sa Department of Social Welfare and Development (DSWD) ang listahan sang 10,500 ka mga kwalipikado nga drivers sang Public Untility Jeepneys (PUJ), TNVS, Taxi kag service provider para sa fuel assistance.
Suno kay Bacolod City Mayor Greg Gasataya, may ginpermahan sila sang request kaupod si Land Transportation Franchising and Regulatory Board – Negros Island Region (LTFRB-NIR) Director Atty Gerry Llena para sa 10,500 ka mga drivers sa ciudad lakip na ang nag-protest action sang nakaligad nga mahatagan sang ayuda.
Ginalauman sang Alkalde nga ini ang ma-aprubahan na sang DSWD sa subong nga semana agud nga mapadasig nga mapanagtag ang ayuda.
Sa karun, nagahulat nalang ang ciudad sa final instruction sang DSWD sa pangpanghatag sang fuel assistance.
