Alas-12:30 kaina sang kaagahon, nakasulod na sa Philippine Area of Responsibility ang Tropical Storm JANGMI, kag ini ang ginhatagan na sang local name nga DOMENG.
Ang Tropical Storm DOMENG ang ulihi nga nasiplatan sa 1,345 km sa nasidlangan sang Southeastern Luzon.
Dala sini ang kabaskugon sang hangin nga nagadangat sa 75 km/h kag pagmadlos nga tubtob 90 km/h.
Ang Bagyo ang nagahulag padulong sa Northwestward nga dereksyon sa kadasigon nga 20 km/h.
Ini ang wala pa sang derekta nga epekto sa pungsod, apang ang Trough ukon ikog sang Bagyo ang makatuga na sang maulanon nga panahon sa Eastern Visayas kag Caraga Region.
Luwas sa Bagyo, ang Southwesterly Windflow ukon ang una nga huyop sang Hangin Habagat ang magatuga naman sang pag-ulan sa Palawan, nakatungdan nga bahin sang Visayas kag Mindanao.
Kun sa diin lauman ang kasarangan tubtob sa makusog nga ulan sa Western Visayas, Negros Island Region, Zamboanga Peninsula, SOCCSKSARGEN, kag Lanao del Norte.
Padayun ang pag-aligmat bangod ang mga pag-ulan ang mahimo makatuga sang mga pagbaha kag landslide.
Sa latest forecast track sang Tropical Storm DOMENG, ini ang may kalaparon nga 80 kilometros.
Apang ang Bagyo ang malayo pa sa kadutaan, kag manubo man ang tyansa nga ini ang magalandfall.
Ang Bagyo ang sa karun nagahulag sa Northwestward nga dereksyon, kag ginalantaw nga magaliko pa naaminhan nga dereksyon samtang yara sa Philippine Sea.
Ginalantaw nga magabaskog pa ang Bagyo sa Severe Tropical Storm category alas-2:0 karun sa hapon, mangin Typhoon category humalin bwas tubtob sa Sabado.
Ginalauman nga ini ang maggwa na sa PAR sa Lunes kag magapadulong ang dereksyon sa Japan.
Apisar nga malayo sa kadutaan, ini ang makatuga sang makusog nga pagmadlos sang hangin, kag mabalod nga kadagatan.
Sa masunod nga apat ka adlaw, lauman man nga butungon sini ukon pabaskugon pa ang Southwesterly Windflow.
Gani lauman ang kasarangan tubtob sa makusog nga mga pag-ulan sa mas malapad nga lugar sumugod sa Domingo tubtob sa Martes partikular na sa Luzon area.
Ginapahanumdom nga antes paman mabatyagan ang makusog nga mga pag-ulan, ipreparar na ang balay, bangod yara ang posibilidad sang mga pagluntad sang pagbaha kag landslide.
