Gin-inagurahan kahapon ang Balay Silangan Drug Rehab & Reform Center sa ciudad sang Silay.
Sa interview sang Bombo Radyo kay Silay City Mayor Joedith Gallego, ang balay silangan ang nagatuyo nga mabuligan ang mga persona nga imbulbado sa illegal nga druga.
Sila ang i-edukar kag buligan para sa ila nga livelihood kag skills training.
Apang, nagpasalig ang alkalde nga apisar nga drug-cleared na ang 16 tanan ka barangay sa ciudad, padayon sa gihapon ang pagtrabaho sang ciudad kag sang Silay City Police Station indi lamang sa pagtapna sang illegal nga druga apang sa pagbulig man sa mga imbulbado diri.
Samtang, pahayag ni Gallego angot sa mga empleyado sang ciudad nga nagpositibo sa drug test, nga sila mismo nakahibalo na kun ano ang ila ginhimo kag siya bilang alkalde sang ciudad, ang naghimo lamang sang iya trabaho.
