Balor P1.36M nga suspected shabu, narecover sa isa ka lalaki sa drug bubuyst operation sa Brgy 1, Bacolod City

Narecover ang P1.36 million nga balor sang suspected shabu sa drug buybust operation nga ginpatigayon sa Prk Lison, Brgy. 1, Bacolod City alas-3:28 kaina sang kaagahon.

Ang operasyon ang ginpangunahan sang City Drug Enforcement Unit sang Bacolod City Police Office (BCPO-CDEU) kun sa diin naaresto si Alyas Ramel, residente sa nasambit nga lugar.

Narecover sa iya ang ginabanta 200 gramos nga suspected shabu nga balor P1,360,000.

Ini ang nagapakita sang wala naga-untat nga commitment sang BCPO sa pagpasanyog pa sang anti-illegal drug operations agud maseguro ang safety kag security sang mga pumuluyo sa ciudad sang Bacolod.