BACOLOD CITY — Triple B sa karun ang motto sa kabuhi sang cancer survivor nga si Lily ukon Raylene Prado sang Bago City matapos nga nalampuwasan ang unos sa iya kabuhi dala sang balatian nga cancer kag pagbulagay nila sang bana nga nambabayi.
Si Lily ang 1st runner-up sa Light at the End of Tunnel sang Kahapon Lamang Program sang Bombo Radyo Bacolod kag nagbaton sang 7, 500 pesos.
Emosyonal ini samtang nagapasalamat sa mga judges nga naghukom sa mga kasaysayan kag subong man sa mga texters nga nagboto sa iya.
Nagpanugyan ini sa mga tagpalamati nga ikabuhi ang triple B ukon banat, bangon kag bato sa tagsa ka unos nga nagalabay sa kabuhi bangud malampuwasan gid ini.
Matahom ang kabuhi suno kay Lily gani dapat nga magpadayon sa pagpanikasog sa bulig sang pagtuo sa Dios bangud santo sa hambalanon ‘nasa Dios ang awa, nasa tao ang gawa’.
Subong nga natapos na ang tunnel suno kay Lily, tion na agud nga makit-an ang bag-o nga horizon.
Wala man sini ginkalipatan nga pasalamatan ang iya bana nga 19-anyos sila nga nag-upod antes nagbulagay.
