Wala pa makilal-an ang bangkay sang isa ka lalaki nga nasapwan nga nagakaagnas na sa Hacienda Canla-on 1, Barangay Sag-ang, La Castellana, Negros Occidental kahapon sang aga.
Santo sa initial nga imbestigasyon ginreport sang isa ka concerned citizen sa La Castellana Municipal Police Station sang alas 8:57 ang takna sang aga nga may nasapwan nga patay nga lalaki sa nasambit nga lugar.
Gilayon nga nagresponder ang mga kapulisan para sa ocular investigation.
Nakita sang mga kapulisan ang bangkay sang isa ka lalaki nga nagakaagnas na kag ini ang may tattoo sa abaga nga kandila nga may pangalan nga Melvin.
Ang bangkay ang una nga nakita sang magakuha sang utan.
Nagapadayon sa karun ang imbestigasyon sang mga kapulisan agud nga matumod ang identity sang biktima kag motibo sa pagpatay diri.
