Nagakomporme ang tagpamaba sang Bacolod City Police Office (BCPO) sa pagpatuman sang martial law kun kinahanglanon.
Ini kaangot sang pagdinagsa sang mga tawo kag salakyan sa ciudad sang Bacolod kahapon apisar sang enhanced community quarantine (ECQ).
Sa interview sang Bombo Radyo kay Police Lt. Col. Ariel Pico, ginpahayag sini nga nagpatawag sang pamulong-pulong si BCPO Director Police Colonel Henry Biñas tuhoy sa gulpyada nga pagdagsa sang mga tawo sa ciudad kahapon.
Suno kay Pico, may yara sila sang nabaton nga impormasyon nga may yara sang mga panimalay nga tagduha ukon tatlo ka miyembro sang pamilya ang may yara sang home quarantine pass kag nagapinagusto lang gwa.
Suno sa iya, may yara man sang iban nga ginapa-photocopy ang HQP.
Suno kay Pico, tinutuyo sang ECQ nga malimitahan ang giho sang tawo apang madamo gihapon ang nagapadungol kag daw kaangay nga wala lang sang pulos ang border control.
Gani, nagakompirme ang tagpamaba sa pagpatuman sang martial law kun kinahanglanon agud madisiplina ang mga pumuluyo.
Nagahingyo man ini nga kuntani kaisa lang sa isa ka semana magwa ukon mamakal sang mga kinahanglanon ang mga may yara sang HQP kag nagpanawagan man ini sa mga kompaniya sang tubig kag kuryente nga kun pwede iextend lang anay ang pagbayad sang mga bills tubtob malift ang ECQ.
