Nagpatigayon sang kick off ceremony ang Bureau of Fire Protection – Bacolod City para sa Fire Prevention Month subong nga Marso.
Sa interview sang Bombo Radyo Bacolod kay Fire Insperctor Jemarie Tapiru, Deputy Fire Marshal sang Bacolod City Fire Station, ang seremonya maumpisa sa motorcade kag may yara na sang napreparar nga programa para sa ribbon cutting, exhibit kag mga aktibidad para sa mga kabataan.
Suno diri, nagapanguna nga rason sa nagaluntad nga mga fire incident sa ciudad amo ang electrical ignition, kag ang ginpreparar nga programa nakasanto sa kinahanglan sang ciudad agud malikawan ang sunog.
Gin-ingganyo ni Tapiru ang tanan nga luyag nga makigbahin sa ila mga aktibidad sa Fire Prevention Month subong nga Marso nga magpadulong lamang sa SM mall.
Pa-athag sini nga ang bulan sang Marso ang ginpili para sa Fire Prevention Month bangod ini ang bulan nga may yara sang pinakamataas nga numero sang nagaluntad nga sunog.
