Naglapta na ang mga billboards nga ginsponsor sang Republican Voters Against Trump nga nagatarget sa conservative-leaning independents kag undecided voters sa swing states sang Michigan, Pennsylvania, kag Wisconsin.
Nalakip na diri ang Wisconsin resident nga si Lars Svanoe, 66-anyos, nga nagboto kay Donald Trump in 2016, kun sa diin ang iya itsura ang yara sa billboard nga may nakasulat nga mga tinaga nga nagapatimaan nga siya ang sadto botante ni Trump apang sa karun, si Harris ang iya pagabotohon.
Suno diri, luyag sini nga magpadala sang maathag nga mensahe sa Republicans nga ang mga polisa nga gina-endorso ni Trump kag ang mga programa sini para sa pungsod ang naga-oppose sa maskin anu nga ginapanindugan sang Amerika.
Sa kabug-usan, ang kampanya ang nagafeature sang 76 tanan ka mga billboards sa palibot sang tatlo ka states kag isa ka 60-second ad nga maplay sa streaming platforms kag YouTube agud kumbinsihon ang center-right swing voters nga indi dapat magpungko sa pwesto si former U.S. President Donald Trump.
