Tanan kita nagahandom magmanggaranon ukon magdamo ang atun nga kwarta apang pinasahi ang ginhimo sang billionaire nga si Bill Gates, nga nagpromisa nga magahatag sang $200 billion pinaagi sa iya charitable foundation sa 2045.
Gin-akusaran naman sini si Elon Musk, ang pinakamanggaranon nga tawo sa kalibutan, sa pagpatay sa mga pigado nga kabataan pinaagi sa pag-utod sang dalagkuan nga U.S. foreign aid budget.
Suno sa 69 anyos nga billionaire co-founder sang Microsoft, ginapadasig niya ang iya mga plano nga i-deprive ang halos tanan sang iya manggad kag siraduhon ang iya nga foundation sa Disyembre 31, 2045, pila ka tuig nga mas temprano sa iya orihinal nga plano.
Pahayag ni Gates, nagapati ini nga ang kwarta ang makabulig sa paglab-ot sang pila sa iya handum, kaangay sang pagdula sa mga masakit kaangay sang polio kag malaria, kag pagtapos sang mapunggan nga mga kamatayon sa mga babayi kag mga kabataan kag pagpanubo sang global poverty.
Ang ini nga announcement ang kasunod sang tikang sang mga gobyerno kalakip na ang Trump administration, nga pagbuhin sang international aid budgets nga ginagamit sa paglikaw sa makamamatay nga balatian kag kagutom.
Ang annual budget sang Gates Foundations ang magalab-ot sa $9 billion sa 2026 kag ginabanta $10 billion sa tagsa ka tuig kasunod sang accelerated spending.
Nagpa-andam ini sa White House nga indi na mapun-an sang iya foundation kag iban pa nga philanthropies ang kakulangan sang gobyerno.
