BJMP, nagkumpirmar nga gindala sa ospital si detained Pastor Apollo Quiboloy bangod sa pneumonia

Ginkumpirmar sang Bureau of Jail Management and Penology (BJMP) nga gindala sa ospital si detained religious leader Pastor Apollo Quiboloy sang Setyembre 11 matapos maka-eksperyensya sang kabudlayan sa pagginhawa.

Pahayag sang BJMP nga si Quiboloy ang nadiagnose nga may moderate risk sang community-acquired pneumonia.

Gilayon man nga ginpahibalo ang Regional Trial Court Branch 159 sa Pasig City, nga amo ang naga-uyat sang kaso sang pastor.

Sang Setyembre 15, nag-issue ang korte sang authorization sa pagpa-ospital ni Quiboloy.

Pasalig sang BJMP nga as of September 30, estable na kag nagarecover ang pastor sa isa ka pampubliko nga ospital, in line sa polisa sang BJMP sa medical care sang mga persons deprived of liberty (PDL).