Nagdonar man sang dugo ang isa ka Senior High PE Teacher sa Asian College of Aeronautics kadungan sang Dugong Bombo sa City Mall Mandalagan kahapon.
Sa interview sang Bombo Radyo Bacolod sa 21-anyos nga maestro, ginpahayag sini nga una ini nga beses nga siya ang nagdonar sang dugo.
Suno sa iya, naghalin pa siya sa Barangay Sum-ag bangud may yara sila sang event apang bangud gusto niya nga makabulig, nagdiretso ini sa City Mall Mandalagan agud magdonar sang dugo.
Aminado ini nga ang pagpangisog lang gid ang preparasyon nga iya ginhimo kag nahibaluan niya man nga masakit ang makuhaan sang dugo apang suno sa iya, wala ini sang pagpangduha-duha bangud dako man ang mabulig sang iya nga gamay nga sakripisyo.
Gindugang man sang maestro nga sa pagdonar sang dugo, makabulig ka na sa iban, may yara pa sang benepisyo nga balik sa imo nga ikaayong-lawas.
