Liwat nga ginpahayag ni Presidente Rodrigo Duterte nga ihatag niya sa mga natives sang Boracay ang isla sa tion nga matapos na ang rehabilitasyon sini.
Sa speech ni Duterte sa groundbreaking ceremony sang AFP-PNP Housing Project sa Barangay Dos Hermanas, Talisay City, Negros Occidental, Dominggo sang hapon, ginpahayag sang presidente nga luyag niya nga ipadayon ang land reform area sa Boracay.
Nakasugilanon naman sini kagab-i si anay Presidente Gloria Macapagal-Arroyo kag iya ginpahayag nga wala sini madumduman nga nagpirma siya sang isa ka presidential proclamation nga nagatunga sa duta sa Boracay bilang agricultural kag forest land.
Suno sa presidente, pabay-an niya nga magtubo ang forestal area sa Boracay apang igahatag niya sa mga natives ang iban nga bahin sang isla pinaagi sang land reform program agud may yara man sila sang propedad.
Ginhambal man ni Duterte nga magapangayo siya sang bulig sa Kongreso agud mahatagan sang pondo ang pag-expand sang land reform.
“I will ask money from congress to expand the land reform area”, suno kay Duterte
