Nahimo nga mapunggan sang Boston Celtics ang tuyo nga paglagas sang Dallas Mavericks sa Game 3 sang National Basketball Association (NBA) Finals pinaagi sa pagbubo sang 31 ka puntos ni Jayson Tatum kag 30 ka puntos gikan kay Jaylen Brown.
Karun nga ginakaptan na sang Boston ang 3-0 lead sa best of seven series, sila ang may tyansa na nga makahimo sang 4-0 sweep kun madaog ang Game 4 sa Sabado alas-8:30 sa aga.
Kaina kaangay nga nagbawi si Tatum matapos nga 34 lamang ang iya gintingob nga puntos sa Game 1 kag Game 2.
Samtang si Brown ang nakadugang naman sang walo ka rebounds kag walo ka assists para sa Boston samtang si Derrick White ang nagcontribute man sang 16 ka puntos.
Wala naman nakahampang si Kristaps Porzingis matapos ma-injure sa 3rd quarter sang Game 2.
Kaangay kay Tatum, si Kyrie Irving ang Dallas ang nagbawi man gikan sa mahuyang sini nga performance sang Game 1 kag 2, kun sa diin ini ang nakapasulod sang 35 ka puntos samtang 27 points naman ang kay Luka Doncic.
Magluwas sa 27 ka puntos si Doncic ang nagcontribute man sang anom ka boards kag anom ka assists, apang ini ang nafoul out sa nabilin nga 4-minutes ang 12 seconds sang hampang.
Ginchallenge pa sang Mavericks ang foul call, apang ang desisyon ang gintindugan matapos ang ginpatigayon nga review, rasun kun ngaa ini ang napagwa sa hampang.
Sa interview sang Bombo Radyo Bacolod kay Sports Analyst Monico Puntevella, ginalantaw sini nga magadaog pa ang Dallas sa Game 4.
Aminado ini nga umpisa palang Boston na ang nagapangibabaw sa hampang bangod walo ang nagapangabudlay sa team samtang duha lamang ang sa Dallas.
Bangod halos sanday Doncic kag Irving lamang ang nagadala sang Dallas, nangin makaluluoy si Irving sang nafoul-out si Doncic sa 4th quarter bangod isa na lamang ini nga nagahakwat sang team.
Nakita sang Basketball Coach nga mas kabisado na sang Boston ang hampang sang ila mga member gani tanan ang nakacontribute.
Sa baylo, bag-o lamang nag-ululupod ang mga players sang Dallas gani sanday Doncic kag Irving lamang ang nagatrabaho, apang kuntani nagstep-up man ang iban nga members.
Sa interview sang Bombo Radyo Bacolod kay Basketball Coach Leo Ceralbo, tuman man kuntani ang pagtinguha sang Dallas nga makalagas sa 4th quarter apang bangod sa mga unnecessary fouls ni Doncic ini ang nafoul out kag si Irving na lamang ang nabilin nga nagbaka-baka.
Nagapati si Ceralbo nga apektado ang income sang NBA ilabi na nga mahimo Game 5 ukon 6 na lamang ang lab-utan sang NBA Finals.
