Nagpatigayon sang turn-over of command ang 303rd Infantry Brigade sang Philippine Army sa posisyon bilang commander kaina sang aga.
Nagpungko bilang bag-o nga commander si Brigadier General Ted Dumosmog samtang si outgoing Brigadier General Orlando Edralin naman ang nagretiro na matapos ang 30 ka tuig sini sa serbisyo.
Sa interview sang Bombo Radyo kay Brigadier General Ted Dumosmog, dako ang pagpasalamat sini sa designation kag endorsement nga ginhatag sa iya.
Suno diri, padayunon sini ang na-umpisahan na nga programa sang 303rd Infantry Brigade kag tinguhaan sini nga mapabilin ang kalinong sa komunidad.
Ginalauman man sini ang madamo nga development sa ila projects.
Apang, suno diri may yara lamang sang mga adjustments sa mga stratehiya kag innovations.
Si Dumosmog ang tumandok sang Cebu kag siya ang anay na-assign sa Cagayan De Oro kag Panay.
