Naimagine mo na bala, nga ikaw ang nagalangoy sa baybay, apang hinali na lamang nga may nagpalapit sa imo nga bagis ukon buaya?.
Ginkakulba sang mga residente sa isa ka sitio sa Balabac, Palawan matapos nga may nakit-an nga isa ka dako nga buaya sa ila nga baybayon.
Ang buaya ang nadakpan apang ini ang nakapalagyo.
Suno kay Redzqa, nagapanglaba siya sang may nakita nga nagalutaw sa dagat nga una sini nga ginpinsar nga isa ka dako nga kahoy.
Apang sang iya maathagan, didto nakita nga ini ang isa gali ka dako nga buaya.
Indi naman makalikawan nga mahadlok ang mga pumuluyo bangud ini ang labing-una nga tion nga may nakita nga buaya sa ila lugar nga malayo sa bakawan, kun sa diin masami nga makita ang mga buaya.
Nagbinuligay naman ang mga mananagat sa lugar agud madakpan ang buaya.
Plano nila kuntani nga isurrender sa otoridad sa Palawan ang nasambitan nga buaya.
Suno sa eksperto, ang nakita nga buaya ang isa ka saltwater crocodile nga posible nagapangita sang pagkaon gani nakadangat ini sa lugar nga may mga tawo.
Apang samtang ginaguyod sang mga residente ang buaya, hinali nalang ini nga nag-isol tubtub nga napalos ang higot kag ini ang nakapalagyo.
Ginlagas pa sini ang mga tawo sa baybay antes magbalik sa dagat kag nagpalagyo.
Bangud sa natabo, ginkakulba sang mga pumuluyo nga basi yara na lang sa ila lugar ang buaya kag liwat nga mag-atake.
Gin abisohan naman ang mga pumuluyo ilabi na ang mga nagapananum sang agar-agar okon seaweeds nga dapat may upod agud may makabantay hinali may ara sang matabo.
