Naeksperyensyahan ang ashfall sa ciudad sang Bago kasunod sa ash emission nga nagluntad sa Bulkan Kanlaon sang Sabado.
Sa interview sang Bombo Radyo kay Ptolemy Mañego, research asisstant sa Philippine Institute of Volcanology and Seismology (PHIVOLCS) Kanlaon Volcano Observatory – La Carlota Station, santo sa 24 hours monitoring sa bulkan, may narekord nga duha ka ash emission activity nga naglawig sang apat tubtob walo ka minutos.
May yara sang 29 ka volcanic Earthquakes nga nabatyagan kalakip na ang isa ka volcanic tremor nga nagdugay sang walo ka minutos.
Samtang, 2,625 tonnes per day naman nga sulfur dioxide ang ginbuga sang bulkan kun sa diin nagdangat sa 1,500 meters ang kataason sang plume sa dereksyon nga nakatungdan-naaminhan.
Suno kay Mañego, naeksperyesnyahan ang ashfall sa ciudad sang Bago ilabi na sa Brgy Ma-ao, Ilijan, Mailum, Dulao kag iban pa.
Suno diri, humalin sa nagluntad nga minor explosive eruption sang Pebrero 6, may degassing sa bulkan kag subong pa lamang naeksperyensyahan ang ash emission.
Ini bangod nagapagwa sang mahinay nga degassing ang bulkan tubtob nga may declogging nga matabo nga amo ang pagpagwa sini sang abo.
