Nagdangat na sa siyam ang numero sang mga nagkalamatay matapos magcrash ang isa ka UPS cargo plane pila ka minutos pa lamang pagkatapos sini magtake off sa Louisville (LOO-ee-vil) International Airport sa Kentucky, USA sang Martes.
Suno sa Federal Aviation Administration, padulong sa Hawaii ang UPS Flight 2976 sang matabo ang trahedya.
May yara ini sang karga nga 380,000 gallons sang gatong nga may bug-at nga 220,000 pounds.
Suno naman kay Luisville Metro Police Department chief Paul Humphery, may mga delikado nga mga butang nga nasunog sa crash site kag ginakahangaw-an nga maglupok.
Indi magnubo sa 28 ka mga persona ang ara sa karun sa airfield agud magpatigayon sang imbestigasyon.
Nagdeklarar si Kentucky Gov. Andy Beshear sang isa ka state of emergency kag ginmobilize ang National Guard.
