BACOLOD CITY – Ginlutos sang FC Meralco Manila ang Ceres Negros FC sa ila nangin sambuwa sa nagapadayon nga Philippine Football League (PFL) 2017 nga ginpatigayon sa Panaad Park and Stadium las-4:00 kaina sang hapon.
Nangin hugot ang depensa sang Meralco Manila kag subong man ang opensa sang Ceres Negros rason nga wala sang naka-score sa first half sang hampang.
Apang nagbawi ang duha ka teams sa second half nga nangin palaagyan sa paghimo sang duha ka nagaasud-asod nga goal sang Manila team.
Nagtuyo man sa paglagas ang Negros-based football team kag nakaisa ka goal apang wala na nakadugang tubtob nga matapos ang hampang sa score nga 2-1.
Ang kadalag-an sang Meralco ang ila nakuha sa pihak nga wala ang ila star players nga ang mag-utod nga Phil kag James Younghusband.
Nahibaluan nga una na nga ginpasalig sang Ceres Negros FC nga ila igahatag ang ila 200 percent sa away kontra sa Meralco Manila nga nagapanguna sa ranking.
