Suportado naman sang chairperson sang Committee on Tourism sa Sangguniang Panlungsod ang pagsaylo sa 3rd Sunday sa bulan sang Oktubre bilang highlights sang Masskara Festival.
Sa interview sang Bombo Radyo Bacolod kay Councilor Jason Villarosa, kaupod ang author sang ordinansa naestoryahan sang mga ini kag ang ginsuhestyon sang mga organizers nga himuon nalang nga 3rd Sunday ang highlights sang Masskara Festival.
Ini man ang rekomendasyon sang nagligad nga 2024 sang matapos ang Masskara Festival nga ginreconsider sa meeting nila kaupod ang Yuhum Foundation duha na ka semana na ang nakaligad.
Bangud sini gin-amyendahan ni Councilor Em Ang ang ordinansa nga gin-author sini.
Suno diri, sa nagligad nga tatlo ka tuig nanotisyaran sini nga indi pa maulanon sa ikatatlo nga semana sang Oktubre kun sa diin isa man sa ginkonsiderar nga factors nga ginbutang sa nasambit nga semana ang highlights sang festival.
