Nagpatigayon na sang change of command ceremony sa Hinigaran Municipal Police Station.
Si Police Major Clifford Batadhay ang ginbuslan ni Police Lt. Col Eduardo Corpuz bilang Chief of Police sang nasambitan nga estasyon.
Ang change of command ceremony ang ginpangunahan ni Negros Occidental Police Provincial Office Police (NOCPPO) Director Police Col. Rainerio De Chavez, kag gintambungan man ni Hinigaran Mayor Jose Nadie Arceo.
Dako ang pagpasalamat ni Batadhay sa mga nagbulig sa iya para malab-ot ang mga accomplishments partikular na sa mga kampanya batok sa illegal nga droga, illegal gambling kag illegal firearms kun sa diin ini ang nakabatun sang awards.
Si Batadhay ang igasaylo naman sa NOCPPO Headquarters.
Pasalig naman ni Corpuz nga tinguhaan sini nga matupungan kun indi malabawan ang nangin performance ni Batadhay.
Dako man ang pagsalig sang alkalde sa mangin serbisyo ni Corpuz sa banwa.
Nagalaom si Arceo nga sa pagpamuno sang bag-o nga hepe, maseguro ang kalinong kag kahilwayan sa banwa sang Hinigaran kag mapanubo ang mga illegalidad.
