Ginkumpirmar sang Science Research Assistant sa Kanlaon Volcano Observatory nga may sang asod-asod nga linog nga nabatyagan sa probinsya sang Negros Occidental.
Sa interview sang Bombo Radyo Bacolod kay Ptolemy Maniego, una nga nagtay-o ang magnitude 3.6 nga linog ang ciudad sang La Carlota, Negros Occidental alas 3:28 ang takna kaina sang kaagahon, Enero 14, 2026.
Ini ang may kadalumon nga 10 kilometers kag narekord ang Intensity IV sa La Carlota City, Negros Occidental, Intensity III sa Anini-y, Antique, kag Intensity 1 sa ciudad sang Bacolod kag sa ciudad sang Canlaon sang Negros Oriental.
Suno kay Maniego sunod nga nagtay-og ang magnitude 3.9 nga linog alas 04:06 ang takna kaina sang kaagahon sa ciudad sang La Carlota nga may kadalumon nga 8 kilometers.
Narecord ang intensity V sang La Carlota City, Negros Occidental kag Intensity II sa ciudad sang Bacolod.
Ginpahayag nga mahimo may yara ini sang koneksyon sa aktibidad sang Bulkan Kanlaon bangud ini ang nagapabilin sagihapon sa alert level 2.
Nagpahanumdom man ini nga sa tion nga makabatyag sang linog indi pagkalipatan ang dock, cover and hold kag ang pagreport sini sa mga otoridad.
