Aminado ang presidente sang United Sugar Producers Federation of the Philippines (UNIFED) nga indi na maulian ang pagtubo sang patdan nga gintanum sa karun bangud sa epekto sang El Niño.
Sa interview sang Bombo Radyo Bacolod kay Manuel Lamata, ginalantaw nga ang pagtubo sang mga tubo sa karun ang magagmay kag indi maayo ang purisa bangud sa tuman ka init.
Suno kay Lamata, apisar nga nag-ulan na bangud sa nagsulod nga bagyo sa Pilipinas, ginalantaw sini nga indi na maulian ang pagtubo sang mga tubo.
Suno diri, manubo naman ang mangin production sang kalamay kag ang makalulu-oy naman sini ang mga konsumidor bangud magasaka naman ang presyo sini sa merkado.
Bangud man sini ginalantaw niya magadugang naman sang pag-import sang kalamay ang pungsod.
Suno pa diri, estorya nalang ang agricultural country ang Pilipinas bangud ang matuod indi na bangud halos tanan nga agricultural products, ginaimport na.
Suno diri, bisan asin ginaimport pa nga may ang Pilipinas sang 7000 islands.
Ginpahayag man sini nga magaabot ang adlaw nga mangin number 1 importer country sa bug-os nga kalibutan ang Pilipinas.
