Magadihon sang Memorandum of Agreement si Bacolod City Lone District Congressman Alfredo Benitez para sa mga establishmento sa ciudad sang Bacolod nga makuhaan sang used oil nga gamiton sa paghimo sang Biodiesel.
Kahapon, may yara sang mga fisherfolks gikan sa apat ka mga Barangay sa Bacolod City nga nakabaton sang apat ka litro nga biodiesel.
Ang distribution ang ginpangunahan nanday Congressman Benitez kag Abang Lingkod Partylist Representative Manuel “Manman” Ko.
Suno kay Benitez, ang equipment sa paghimo sang biodiesel ang iya nga personal nga bulig para sa Bacolod.
Suno diri, agud nga mapadamo ang produksyon sang nasambit nga produkto magahimo ini sang mga MOA para sa mga establishmento kaangay sang mall, fastfood chains kag restaurants nga makahatag sang used oil.
Dugang pa sang kongresista nga verbal pa lang ang nakuha sini nga commitment sa mahatag sang used oil.
Apang sa karun magadihon ini sang MOA agud nga makita kun pila ang volume kag kun ano nga establishment ang nag-contribute.
