Nag-file sang petisyon sanday Caloocan 2nd District Representative Edgar Erice kag Mamamayang Liberal Representative Leila De Lima nga nagahingyo sa Supreme Court nga mag-issue sang temporary restraining order batok sa unprogrammed appropriations sa 2026 national budget.
Sa 41 ka panid nga petisyon, ginhingyo nanday Erice kag De Lima ang SC nga ideklarar nga ang pagkalakip sa unprogrammed appropriations ang ginhimo nga may grave abuse of discretion nga katumbas sa kakulang ukon paglapaw sa jurisdiction.
Magluwas sini, ginaduso man sang mga mamalidha sa korte suprema nga ideklarar nga null and void ang Section XLIII sang GAA (General Appropriations Act) bangud nagalapas ini sa Constitution.
Madumduman nga subong nga semana, ginpirmahan ni President Ferdinand “Bongbong” Marcos Jr. ang P6.793 trillion budget para sini nga tuig.
Gin-veto niya ang malapit P92.5 billion nga balor sang line items sa idalom sang unprogrammed appropriations sa budget.
