Nagpaandam ang convenor sa Power Watch Negros batok sa pagpatigayon sang strike sang Central Negros Electric Cooperatives (CENECO) Union of Rational Employees (CURE).
Sa interview sang Bombo Radyo Bacolod kay Wennie Sancho, kinamatarong sang labor sector nga magfile sang notice of strike sa National Conciliation and Mediation Board (NCMB).
Apang pahanumdom sini nga may-ara sang requirements ukon grounds antes ini mapahanugutan.
Kalakip sa grounds sang unfair labor practices, amo ang gross violation sa Collective Negotiation Agreement, kag dismissal sang newly elected officers nga makahatag risgo nga mahimo makabungkag sang union.
Suno kay Sancho, makaduha na ka beses nga nagfile sang notice of strike ang CURE kag lunsay nagakabasura.
Pahanumdom sini nga kiun parehas gihapon ang rasun sang mga ini sa pagfile sang notice of strike, liwat lamang nga mabasura ang request.
Nahibaluan nga ginapanindugan sang CURE nga sa pagsulod sa Joint Venture Agreement kag pagtukod sang Negros Electric and Power Corporation (NEPC), sila ang madulaan sang trabaho.
Apang paathag ni Sancho nga indi ang indi baklon sang NCMB bangod una na nga nakapasalig nga prayoridad ang mga empleyado sang CENECO sa hiring.
Paathag sini nga mapatemprano lamang ang ila retirement kag liwat nga irehire.
Apang nakita ni Sancho nga luyag nanday CURE President Felix Gepilga Jr. kag Atty. Rey Gorgonio, nga derekta na nga makasulod ang mga empleyado kag indi na maglabay pa sa pagpasa sang application nga kaangay nga indi nila luyag nga ire-evaluate ang mga performance sang liwat nga maga-apply.
Dugang pa sini nga magahatag man sang dako nga benepisyo ang kompanya kag ang ila retirement ang 200 percent pa nga ginpasaka.
Paandam ni Sancho nga hinali dayunon sang CURE ang strike, kag gindeklarar sang Department of Labor and Employment nga illegal ang aktibidad, sila ang mahimo pa nga madulaan sang trabaho.
Suno diri, siya mismo ang naka-eksperyensya na sa kaangay nga hitabo kun sa diin sa malawig nga pagerbisyo, wala gid ini sang nabatun bisan singko nga benepisyo bangod sila ang napahalin sa trabaho.
Panugyan na lamang sini nga kun matuod nga naga-ulikid sa mga konsumedor, dapat nga ikonsiderar anay nga indi maparalyze ang power distribution.
