Convenor sang Utilities Consumers Advocate for Reforms, gin-abi abi ang pagpasar sang prangkisa sang NEPC sa lower kag upper house

Ginakabig naman nga welcome development sang convenor sang Utilities Consumers Advocate for Reforms ang pagpasar sang prangkisa sang Negros Electric and Power Corporation (NEPC) sa lower kag upper house.

Sa interview sang Bombo Radyo kay Roy Cordova, malapit na lamang kag mapermahan na ni President Ferdinand ‘Bongbong’ Marcos Jr ang prangkisa sang NEPC nga mangin layi na.

Suno diri, pagatinguhaan sang Central Negros Electric Cooperative (CENECO) kag NEPC nga magtrabaho para mahatag ang husto nga serbisyo sa mga konsumedor ilabi na sa karun nga dako ang demand sa electricity bangod sa tuman ka init.

Nagpasalamat man ini kay Bacolod City Mayor Alfredo ‘Albee’ Benitez sa pag-intervene sa mataas nga rate sang kuryente.