Ginpasakaan sang kaso nga ‘obstruction of justice’ ni Bacolod City Councilor Al Victor Espino, chairperson sa Committee on Transportation si anay Bacolod Traffic Authority Office (BTAO) Head Police Major Junji Liba.
Sa interview sa konsehal, ginpahayag sini nga tinalikdan pa sini na file ang kaso, apang wala na naghatag sang dugang nga detalye.
Suno diri, may ara na sang schedule para sa hearing sa korte.
Pahayag ni Espino nga wala sini ginatolerar ang bisan ano nga sahi sang kurapsyon sang bisan sin-o nga tawo apisar pa nga ini ang pulis.
Suno diri, siya ang magafile pa sang dugang nga kaso may kaangtanan sa gina-alegar pagwithdraw sang gasolina sang pribado nga mga indibidwal sa account sang BTAO, nga ginagastuhan sang Bacolod City Government.
Pahayag na lamang sang konsehal nga ‘bantayan ang masunod nga kabanata’.
Sa pihak nga bahin, wala naman nagsabat sa issue si Liba kag nagpahayag nga atubangon na lamang sini sa korte ang kaso.// Apang ini ang nagapati nga ‘truth will prevail’.
