Ginpahayag sang Commission on Elections en banc nga gin-aprubahan sini ang isa ka rekomendasyon nga magfile sang isa ka criminal complaint batok kay suspended Bamban, Tarlac Mayor Alice Guo bangud sa ginaalegar bayolasyon sang Omnibus Election Code nga naangot sa iya kandidatura sang 2021.
Suno kay Comelec Chairman George Garcia, ang ginhalinan sini amu ang material misrepresentation ni Guo sang siya ang nagfile sang iya certificate of candidacy sa pagka-alkalde.
Ang fingerprints sang alkalde sa iya voter’s registration ang nagmatch sa fingerprints sang Chinese national nga si Guo Hua Ping.
Suno kay Garcia, gin-adopt sang en banc kag unanimous ang rekomendasyon sang ila Law Department nga magfile sang formal complaint batok kay Mayor Alice Guo ukon Guo Hua Ping kag ginasuguran na ang preliminary investigation natuhoy sa iya.
Suno sa iya, may yara sang option si Guo nga magskip sa preliminary probe apang indi sini mapalagyuhan ang bilog nga investigation process sang Commission.
