Plano sang Department of Agriculture (DA) nga buhinan ang pagimport sang Pilipinas sang karne sang baboy nga tubtob sa 60,000 metric tons subong nga tuig.
Ini ang kadungan sang tinutuyo sang ahensya nga mapabakod ang local production kasunod naman sang ginapatigayon nga programa agud nga mabuhi ang hog industry sang pungsod.
Santo sa plano sang DA, tinutuyo sini nga islan ang napulo ka porsyento nagikan sa imported pork supply sang pungsod kag igatapal diri ang domestic production ukon lokal nga produksyon.
Ini ang kapareho sang 60,000 metric tons sang karne sang baboy.
Suno sa ahensiya, magamit diri ang P2.1 billion nga pondo para sa modified repopulation program.
Sa idalom sang ginbag-o nga repopulation program sang ahensya, may yara sang tatlo ka magkatuhay nga package nga mahimo mapuslan sang mga mangunguma sa pungsod.
Una diri, ang pagpatindog sang production farm nga nagabalor sang P16.21 million kag may kapasidad nga 60 sow ukon nayon.
Ikaduha ang 30-sow level capacity production farm nga nagabili sang P10 million, samtang ang pangatlo amo ang 30-sow multiplier farm nga nagabalor man sang P10 million.
Ang mga ini ang mahimo igahatag sa mga kwalipikado nga benepisyaryo nga may kinaalam sa pagsagod, pagpadako, kag pagpabakod sang produksyon sang baboy.
Paagi sini, nagalaom ang DA nga masolbar ang pangahinanglanon kag konsumo sang pungsod kag mapabangon ang local hog industry nagikan sa nauna nga epekto sang ASF.
