BACOLOD CITY — Nagsaulog sang Dagubdob Festival ang mga inmates sa Metro Bacolod District Jail ukon BJMP-Taculing kadungan sang selebrasyon sang Valentine’s day subong nga Pebrero 14.
Las-4:00 kaina sang hapon nagsugod ang programa kun sa diin ang mga inmates may ginpreparar nga presentasyon para sa ila mga asawa, kabataan kag iban pa nga katapo sang pamilya nga imbitado sa amo nga kasadyahan.
May gin-imbetar man nga mga komedyante agud magdugang sa kalingawan.
Apang suno kay MBDJ Warden Jail Insp. Jonairy Sitchon, sa pihak sang kahiwatan, padayon ang estrikto nga pag-rekisa kag pagtsekyar sa mga kagamitan nga ginapasulod sa prisuhan agud malikawan ang pagpalusot sang mga kontrabando.
Samtang, bangud nga adlaw subong sang paghigugma, gintugutan sang BJMP ang conjugal visit ukon pagtulog sang mga asawa kaupod ang ila mga bana sa prisuhan.
