Nagdangat na sa 329 ang kaso sang dengue sa ciudad sang Bacolod nga narecord gikan Enero tubtob Hulyo.
Samtang isa naman ka 18 anyos nga babayi ang narecord nga napatay gikan sa Barangay Estefania.
Sa record ang Barangay nga may pinakamataas nga kaso amo ang Barangay Taculing nga nagdangat sa 44; samtang 31 naman sa Barangay Bata; 24 sa Barangay Granada; 21 sa Barangay Estefania; kag 20 sa Barangay Mansilingan.
Sa interview sang Bombo Radyo Bacolod kay Councilor Claudio Jesus ‘Kalaw’ Puentevella, chairperson sang Committee on House and Sanitation, dapat nga mag-aligmat ang tanan bangod sa nagasaka nga kaso sang dengue.
Isa sa ginakahangaw-an sini ang mga estudyante sa eskwelahan nga prone sa dengue.
Nakighinun-anon naman ini sa Bacolod City Health Office kag nagpasalig nga sila ang bukas sa pagpatigayon sang fogging kun may magpalapit sa ila nga opisina.
Pahanumdom sang CHO nga mangin mainamdamon kag kun nagabatyag sang pabalik-balik nga hilanat mas maayo nga magpa-checkup kag ini pagpabay-an.
Dugang pa nga pahanumdom nga bisan nakapatigayon na sang fogging kag Brigada Eskwela, dapat nga padayun nga magpaninlo kag iula ang mga stagnant waters.
Pahanumdom sang mga ini nga ang lamok nga carier sang dengue ang nagakagat adlaw kag gab-i.
