Ginmando na sang Department of Agriculture ang temporaryo ban sa pag-import sang mga sapat kag mga produkto sini gikan sa Slovakia.
Ini ang kasunod sang paglapta sang kaso sang Foot-and-Mouth Disease sa mga baka sa pungsod.
Suno sa report sang Slovak veterinary authorities sa World Organization for Animal Health, ang isa ka Foot-and-Mouth Disease outbreak narekord sa Dunajskd Streda, Trnavsky.
Suno kay Agriculture Secretary Francisco P. Tiu Laurel Jr., ang temporaryo nga pagdumili ang may tinutuyo nga matapna ang paglapta sang virus sa pungsod kag ma-amligan ang ikaayong lawas sang mga kasapatan sa pungsod.
Sa Memorandum Order No.21 sang DA secretary, hugot nga ginadumilian ang pag-import sang buhi nga baboy, baka kag karabaw kag iban pa nga may kaangtanan sa mga produkto.
May mga produkto nga ginapahanugutan nga i-import kaangay sang ultra-high-temperature nga gatas, heat-treated meat products nga selyado kag yara sa mga suludlan, protein meal, gelatin, kag iban pa.
