Preparado na ang Department of Agriculture (DA) nga magbaligya sang P40 kada kilo sang bugas.
Ginpahayag ni Agriculture Secretary Francisco Tiu Laurel Jr. nga magaumpisa ini sa pagsulod sang madamo nga imported nga bugas nga mahatagan sang mas manubo nga taripa sa mga masunod nga bulan.
Mahimo nga ang presyo sang mga bugas nga ginabaligya sa Rice-for-All program ang mabuhinan sang lima ka piso kada kilo.
Halimbawa sini nga sa tion nga ang retail price sang bugas ang magalab-ot sang P45 kada kilo, ang presyo sang ila nga Rice-for-All program ang mangin P40 na lamang.
Madumduman nga nag-umpisa ang nasambit nga programa sadtong Agosto 1 kun sa diin ang mga well-milled rice nagikan sa local importers kag traders ang ginabaligya sa P45 kada kilo kag may yara lamang sang limit nga 25 kilos sa isa ka tawo kada adlaw.
Ini ang mas manubo sa presyo sang retail price sang bugas nga P47 tubtob sa P55 kada kilo.
