Ginahulat na lamang ang go signal gikan sa national office sang Department of Agriculture para mapatigayon ang cloud seeding sa Western Visayas.
Suno kay DA Region 6 Director Eng Jose Albert Barrogo, sa karun nga may yara na sang pag-ulan nga mabatyagan, may yara naman sang makit-an nga seedable clouds.
Suno diri, bisan pa may yara na sang madamol nga pag-ulan nga maeksperyensyahan, ini nagadugay lamang sang kapin sa 10 tubtob 15 minutos lamang kag pila kag portion lamang ang gaka-ulanan.
Pahayag ni Barrogo may yara sang budget nga kapin sa P600 million ang pwede nga maggamit sa pagpatigayon sang cloud seeding sa bilog nga Western Visayas.
Kun may approval na sa pagpatigayon sang cloud seeding, target nga patigayunon ini sa katapusan nga bulan sang Mayo tubtob sa ikaduha nga semana sang Hunyo.
