BACOLOD CITY — Ginalantaw na sang Department of Education nga magabaskog na gid ang team sang Region 6 kag Region 7 sa Palarong Pambansa sa masunod nga tuig kasunod sang pagkabungkag sang Negros Island Region.
Nahibaluan nga mangin kabahin naman liwat sang Region 6 ang Negros Occidental samtang sa Region 7 naman ang Negros Oriental.
Sa exclusive interview sang Bombo Radyo kay DepEd Assistant Secretary Tonisito Umali, ginpahayag sini nga maayo ang performance sang NIR sa Palarong Pambansa subong nga tuig 2017.
Sa tion nga magbalik na ini sa una nga rehiyon, mas magabaskog pa gid ang Region 6 kag subong man ang Region 7.
Madumduman nga bisan ikaduha pa lang nga pagsabak sang NIR sa Palaro sang bulan sang Abril sa probinsya sang Antique, nagpwesto ini sa ikaapat nga posisyon nga may yara sang 26 ka bulawan, 27 ka silver kag 36 ka silver medals.
Ang Region 6 naman ang yara sa ikaduha nga pwesto.
Ang Region 7 ang yara sa ika-siyam nga pwesto.
