Padayon nga nagabantay ang Department of Information and Communications Technology (DICT) bangud sa natabo nga global IT system outage nga nakaapekto sa mga negosyo sa bilog nga kalibutan.
Suno kay DICT Assistant Secretary and spokesperson Renato Paraiso, nagapatigayon sila sang hugot nga monitoring sa ila nga Cybersecurity Bureau kag National Computer Emergency Response Team sa nasambit nga insidente.
Gin-athag man sini nga indi bangud sa hacking ukon cyberattack ang natabo kundi bangud sa ‘faulty updates’.
Nagapati man si Paraiso nga maresolba ang nasambit nga problema.
Nakabalik naman ang mga online services sang mga bangko sa Pilipinas nga naapektuhan sang global outages.
Madumduman nga madamo nga bangko, flights kag mga negosyo ang apektado sang outage kasunod sang problema sang sistema sang cybersecurity company nga Crowd Strike.
