Nagapanawagan ang Department of Information and Communications Technology (DICT) sang dugang nga pondo agud nga mapadayon ang pagpatuman sang National Broadband Program (NBP).
Suno kay DICT Assistant Secretary Renato Paraiso nga kapin P200 billion ang kinahanglan sa fully implement sang Phases 4, 5, kag 6 sang NBP digital infrastructure project.
Dugang pa ni Paraiso, nga ang three segments ang magacover sang broadband expansion sa Mindanao kag Visayas kag tanan nga isolated kag disadvantaged nga lugar sa pungsod.
Sang Abril, naglunsyar ang DICT sang Phase 1 sang Philippine Digital Infrastructure Project (PDIP), nga nalakipan sang NBP.
Nasakupan sini ang Baler sa Quezon, Laoag sa Ilocos Norte, kag Metro Manila.
Ang Phase 2 kag 3 sang national fiber backbone ang magaconnect sa Metro Manila kag Southern Luzon.
Ini ang target nga matapos sa subong nga tubig.
Ginpahayag man ni Paraiso nga ang budget proposal para sa kabug-usan nga national expenditures ang napaa na sa kongreso.
Naka-standby sa ang mga ahensya sang gobyerno para sa mga panawagan sang budget nagikan sa nagkalain-lain nga committee sang Kamara kag Senado.
Ginrekomendar sang Private Sector Advisory Council (PSAC) nga magpain ang gobyerno sang P240 billion agud mapasanyog ang digital infrastracture sang pungsod.
Ang ginpropose nga pondo ang ginalakipan sang P60 billion budget para sa DICT sa masobra apat katuig agud nga mapasanyog ang broadband connectivity, mapasaka ang internet penetration sa 65 percent kag agud mahimo nga masarangan ang digital services.
Ginapakita sa pinakaulihi nga data nagikan sa DICT nga kapin 65 percent sang mga Filipino ang wala sagihapon sang access sa internet.// Samtang, may yara naman sang kapin 12,000 independent common towers sa pungsod.
Gina-engganyo naman sang World Bank ang gobyerno sang Pilipinas nga magpatuman sang reporma kag padamuon ang investment sa broadband infrastructures samtang ang pungsod ang nagapadayon sa paglagas sa mga kaingod nga pungsod sa paglab-ot sang average speed sang internet.
