Naga ginutok nga mga salakyan sa dalan
Sang ciudad sa bacolod ang kasami nga makit an
Nagtuga sang dako nga palaligban
Kon ano ang dapat nga himoon agud ini ang ma solusyonan
Committee on transportation sang sanggunian
Lakip na ang btao kag sector sang transportasyon ang nagsapol agud istoryahan
Mga pamaagi agud nga traffic ang mapahagan hagan
Tubtob nga sang ulihi mmda ang nag intra man agud ini ang pagatun an
Tanan nga mga gnpalitikan sang ulo ang wala nagmadinalag on
Bangud problema sang trapiko ang yara man sa gihapon
Tubtob nga nagpangita naman sil sng rason
Kuno naga damo ang mga salakyan samtang wala man naga lapad ang dalanon
Rason nga daw sa indi ko mabaton
Bangud sa tagsa ka adlaw ko nga pagpanglakaton
Sa mga dalan sang aton nga ciudad ako ang nagtotok
Madamo ako sang mga nakita nga kabangdanan kon ngaa salakyan naga ginutok
Diri ko man nahangpan kon ngaa ang problema sang trapiko indi nila ma solusyonan
Bisan gani guro mmda ang wala ini na talupangdan
Problema nga duna na siguro sa aton nga mga katawhan
Disiplina nga sa aton kulang
May mga intersection nga ang right lane gina pondohan
Ano pa ang mga maga right turn nga salakyan indi maka liko sa likoan
Dugangan pa sang mga driver sang jeepney nga mga batinggilan
Pasahero ginapapanaog ukon ginapasakay bisan sa tunga sang dalan
Sa mga mayor nga dalanon sang ciudad naton
Nga dapat mga salakyan lamang nga may apat ka rueda ang paagyon
Ini ang gin imponan sang mga trisikad, e-trike kag tricycle nga mga salawayon
Sila ang dugang nga nagapa bara sang dapat biyahe nga tayoyon
Kon indi ma desiplina ang ini nga mga pasaway sa dalan
Problema sa trapiko ang indi makaangkon sang kasolbaran
Bisan sin o pa man sa btao ang magapamuno
Ukon alkalde nga maga pungko sa puesto
Pagkapait sang kahimtangan
Gina antos ta ang problema nga kita man ang may kahimoan
Ngaa indi naton pagsundon ang isa ka slogan
Sa ika uunlad ng bayan, desiplina ang kailangan
Date of airing: March 20, 2019
