Ginpahayag ni Senate President Francis “Chiz” Escudero nga pagadesisyunan sang Senado ang natuhoy sa divorce bill santo sa ila konsensya kag personal nga pagpati.
Suno kay Escudero, ang personal sini nga panindugan amu nga mas palaparon kag himuon nga affordable kag accessible ang annulment nga yara sa Family Code sa karun.
Suno diri, ini ang paagi sa pagpahanugot sa Public Attorney’s Office nga batunon ang mga kaangay nga kaso.
Suno sa iya, nagpahayag naman ang Korte Suprema nga indi na kinahanglan ang psychologist agud mapamatud-an ang psychological incapacity.
Ikatatlo suno kay Escudero, amu nga athagon sang Kongreso kun ano ang makonsiderar nga psychological incapacity agud mabuhinan ang away, ginamo kag debate bangud madugay naman nga may annulment sa Pilipinas.
Sa bahin sang divorce bill, magadepende sa personal nga pagpati kag konsensya sang mga Senador ang ila mangin panindugan natuhoy diri.
Aminado naman si Escudero nga wala pa niya nabasa ang version sang House of Representatives sa gin-aprubahan nga absolute divorce bill.
